கோவை மாவட்டம் மேட்டுப்பாளையம் காரமடை அருகே மேற்கு தொடர்ச்சி மலை அடிவாரப் பகுதியில் பில்லூர் அணை அமைந்துள்ளது. பவானி ஆற்றின் குறுக்கே கட்டப்பட்டுள்ள இந்த அணையின் முக்கிய நீர் ஆதாரமாக கேரளா மற்றும் நீலகிரி மாவட்டத்தில் உள்ள நீர்ப்பிடிப்பு பகுதிகள் அமைந்துள்ளன.

இந்நிலையில் கடந்த சில தினங்களாக, கேரள மாநிலம் மற்றும் நீலகிரி மாவட்டத்தில் தொடர்ந்து பெய்து வரும் தென்மேற்கு பருவமழை காரணமாக பில்லூர் அணைக்கு வரும் நீர்வரத்து அதிகரித்துள்ளது. இதனால் அணையின் பாதுகாப்பு கருதி 4 மதகுகள் வழியாக வினாடிக்கு 16 ஆயிரம் கன அடி நீர் திறக்கப்பட்டு வருகிறது.