காரியாபட்டியிலிருந்து கடமங்குளம் - சத்திரம் புளியங்குளம், மறைக்குளம் ஆகிய கிராமங்களுக்கும், தாமரைக்குளம் வழியாக காரைக்குளம் கிராமத்திற்கும், காரியாபட்டியில் இருந்து திருவளர்நல்லூர் கிராமத்திற்கும் புதிய வழித்தடங்களில் பஸ் தொடக்க விழா காரியாபட்டி பஸ் நிலையத்தில் நடைபெற்றது. அமைச்சர் தங்கம் தென்னரசு புதிய வழித்தடங்களில் பஸ்களை கொடி அசைத்து தொடங்கி வைத்து பேசினார். அப்போது அவர் கூறியதாவது:-

தி.மு.க. ஆட்சி பொறுப்பேற்றது முதல் 22 வழித்தடங்களில் பஸ்கள் செல்ல ஏற்பாடு செய்யப்பட்டுள்ளது. காரியாபட்டி ஒன்றியத்தில் புதிய வழித்தடங்களில் பஸ் போக்குவரத்து ஏற்படுத்தப்பட்டுள்ளதால் கிராமபுற மாணவர்கள், ஏழை, எளிய மக்கள் என அனைவரும் பயன்பெறுவர். இவ்வாறு அவர் கூறினார்.