ஏற்கனவே பெரம்பலூர், ஆலத்தூர், வேப்பந்தட்டை, வேப்பூர் ஆகிய குறு வட்ட அளவில் 14, 17, 19 வயதுகளுக்கு உட்பட்ட பள்ளி மாணவ-மாணவிகளுக்கு தனித்தனியாக ஒற்றையர், இரட்டையர் பிரிவாக நடத்தப்பட்ட கேரம் போட்டியில் முதலிடம் பிடித்தவர்கள், மாவட்ட அளவிலான போட்டியில் கலந்து கொண்டு தங்களது திறமைகளை வெளிப்படுத்தினர்.

போட்டியில் முதலிடம் பிடித்தவர்களுக்கு தங்கப்பதக்கமும், 2-ம் இடம் பிடித்தவர்களுக்கு வெள்ளி பதக்கமும் மற்றும் சான்றிதழ்களும் வழங்கப்பட்டது. முதலிடம் பிடித்தவர்கள் மாநில அளவிலான கேரம் போட்டியில் விளையாடவுள்ளனர் என்பது குறிப்பிடத்தக்கது. இதே போல் பெரம்பலூர் மாவட்ட அளவில் பள்ளி மாணவ-மாணவிகளுக்கான செஸ் போட்டி பெரம்பலூர் அரசு மேல்நிலைப்பள்ளியில் நாளை மறுநாள் (திங்கட்கிழமை) நடைபெறவுள்ளது.