திட்டக்குடி பகுதியில் நேற்று முன்தினம் மாலையில் இடி, மின்னலுடன் பரவலாக மழை பெய்தது. சிறுமங்களம் கிராமத்தில் சென்ட்ரல் பேங்க் ஆப் இந்தியா என்ற வங்கியின் பின்புறம் பயன்பாட்டில் இல்லாத செல்போன் கோபுரத்தை மின்னல் தாக்கியது. இதனால் அந்த வங்கியில் இருந்த 5 கம்ப்யூட்டர்கள், கண்காணிப்பு கேமராக்கள், டி.வி., மின்விசிறி ஆகியவை வெடித்து சேதமானது. இதனால் வங்கியில் பணியில் இருந்த ஊழியர்கள் அச்சமடைந்தனர். இணையதளமும் துண்டிக்கப்பட்டதால் வங்கி பணி பாதிக்கப்பட்டது.

மேலும் அந்த கிராமத்தில் 10-க்கும் மேற்பட்ட வீடுகளில் மின்விசிறிகள், மின்விளக்குகள், மிக்சி, குளிர்சாதன பெட்டிகள் உள்ளிட்ட மின்சாதன பொருட்கள் அனைத்தும் பழுதானது.