தமிழகத்தில் வடகிழக்கு பருவமழை தொடங்கியதில் இருந்து பரவலாக மழை பெய்தது. இந்த நிலையில் கடந்த வாரத்தில் தமிழகத்தில் பல இடங்களில் வறண்ட வானிலையே நிலவி வந்தது. அதன் தொடர்ச்சியாக கடந்த 2 நாட்களாக தமிழகத்தில் சில இடங்களில் மீண்டும் மழை பெய்ய தொடங்கி இருக்கிறது. ஓரிரு இடங்களில் கனமழையும் கொட்டுகிறது.

இந்த நிலையில் குமரி கடல் மற்றும் இலங்கையை ஒட்டி நிலவும் வளிமண்டல மேலடுக்கு சுழற்சி காரணமாக தமிழகத்தில் இன்றும் (வியாழக்கிழமை) மழைக்கு வாய்ப்பு இருப்பதாக வானிலை ஆய்வு மையம் தெரிவித்துள்ளது.