அடுத்த சில நாட்களுக்கு பொதுமக்கள் முழுமையாக ஒத்துழைப்புக் கொடுத்தால் தொற்று எண்ணிக்கை குறைவதற்கு வாய்ப்புள்ளது. கூடுதல் எண்ணிக்கையில் தொற்று உறுதி செய்யப்பட்டதாக தவறான தகவலை பதிவேற்றம் செய்ததாக வந்த புகாரின் பேரில் ஒரு தனியார் ஆய்வகத்தின் மீது விசாரணை நடந்து வருகிறது. இனி அரசு மற்றும் தனியார் ஆய்வகங்களில் கூடுதல் எண்ணிக்கையிலான தொற்று உறுதி செய்யப்பட்டாலும், தொற்று இல்லை என உறுதி செய்யப்பட்டாலும், அந்த முடிவுகளை தணிக்கை செய்ய அரசு முடிவு செய்துள்ளது.அந்த வகையில் அந்த தனியார் ஆய்வகத்தில் நடந்த தவறுபோல வேறு எந்த ஆய்வகங்களிலும் நடக்காதவாறு நடவடிக்கை எடுக்கப்பட்டுள்ளது. தனியார் ஆஸ்பத்திரிகளில் கொரோனா சிகிச்சைக்கான

கட்டணம் குறைக்கப்பட்டுள்ளது. அதில் ஏதாவது முறைகேடு நடந்தால் நடவடிக்கை மேற்கொள்ளப்படும். தமிழகத்துக்கு மத்திய அரசு இந்த மாதம் கொடுக்க வேண்டிய 13 லட்சம் தடுப்பூசிகளில் 11 லட்சம் மட்டுமே வந்துள்ளது. எனவே அது முன்னுரிமை அடிப்படையில் உபயோகப்படுத்தப்படுகிறது.

இவ்வாறு அவர் கூறினார்.