அதிமுக பொதுச்செயலாளரும், எதிர்க்கட்சி தலைவருமான எடப்பாடி பழனிசாமி சபாநாயகர் அப்பாவுக்கு எதிராக சென்னை ஐகோர்ட்டில் இன்று வழக்கு ஒன்றை தொடர்ந்துள்ளார். அவர் தொடர்ந்த வழக்கில், 2022 ஜுலை 11ம் தேதி நடந்த அதிமுக பொதுக்குழு கூட்டத்தில் சிறப்புத்தீர்மானம் நிறைவேற்றப்பட்டு ஓ.பன்னீர்செல்வம், மனோஜ் பாண்டியன், வைத்திலிங்கம் உள்பட 4 பேர் கட்சியில் இருந்து நீக்கப்பட்டனர். 2022 ஜுலை 17ம் தேதி எதிர்க்கட்சி துணைத்தலைவராக ஆர்.பி.உதயகுமாரும், துணைச்செயலாளராக அக்ரி கிருஷ்ணமூர்த்தியும் தேர்தெடுக்கப்பட்டனர். தேர்ந்தெடுக்கப்பட்டவர்களுக்கு சட்டசபையில் உரிய அங்கீகாரம் வழங்கவேண்டுமென சபாநாயகருக்கு கடிதம் அனுப்பியும், நினைவூட்டல் கடிதம் அனுப்பியும் அதன்மீது எந்தவித நடவடிக்கையும் எடுக்கவில்லை.