சென்னை,
உலக சைக்கிள் தினம் இன்று கடைபிடிக்கப்படுகிறது. இந்த நிலையில் உலக சைக்கிள் தினத்தை முன்னிட்டு முதலமைச்சர் மு.க.ஸ்டாலின் சைக்கிள் ஓட்டுவது என்பது சிறந்த உடற்பயிற்சியே என்று தன்னுடைய டுவிட்டர் பக்கத்தில் தெரிவித்துள்ளார்.
இதுகுறித்து அவர் வெளியிட்டுள்ள டுவிட்டர் பதிவில், " சைக்கிள் ஓட்டுவது உடல்நலன் காப்பதோடு உளநலம் பேணவும் உதவுகிறது! இன்றைய காலக்கட்டத்தில் இளம் வயதிலேயே பலருக்கு ஏற்படும் உடல்நலன் சார்ந்த பிரச்சினைகளுக்கு உடற்பயிற்சியே சிறந்த தீர்வு! சைக்கிள் ஓட்டுவது என்பதும் சிறந்த உடற்பயிற்சியே!" என்று கூறியுள்ளார்.