காஞ்சீபுரம் மாவட்டம் ஸ்ரீபெரும்புதூர் பகுதியில் மிகவும் பழமையான ஆதிகேசவ பெருமாள் கோவில் அமைந்துள்ளது. இங்கு ராமானுஜர் அவதரித்ததால் அவருக்கு தனி சன்னதி அமைந்து உள்ளது. ஆதிகேசவ பெருமாளுக்கு நிகராக ராமானுஜருக்கும் விழா நடைபெறுவது வழக்கம். இந்தநிலையில் நேற்று மத்திய பிரதேச முதல்-மந்திரி சிவராஜ் சிங் சவுகான், ஸ்ரீபெரும்புதூர் வந்து ஆதிகேசவ பெருமாளையும், ராமானுஜரையும் பயபக்தியுடன் தரிசனம் செய்தார். பின்னர் கோவில் சுற்றுச்சுவரில் வரையப்பட்ட ஓவியங்களை ரசித்து பார்த்தார். சிறிது நேரம் தியானத்திலும் ஈடுபட்டார்.