தமிழக சட்டம்-ஒழுங்கு டிஜிபியாக பணியாற்றி வந்த ஜே.கே.திரிபாதி இன்று ஓய்வு பெற்றதைத் தொடர்ந்து அவருக்கு காவல்துறை மரியாதையுடன் வழியனுப்பு விழா நடைபெற்றது. தமிழகத்தின் சட்டம்- ஒழுங்கு பிரிவு டிஜிபியாக பதவி வகித்துவந்த ஜே.கே.திரிபாதியின் பதவிக் காலம், இன்றுடன் (ஜூன் 30) முடிவடைகிறது.

இதனையடுத்து இன்று காலை 11.30 மணி அளவில் சென்னை காமராஜர் சாலையில் உள்ள டிஜிபி அலுவலகத்தில் முறைப்படி அடுத்த சட்டம்-ஒழுங்கு டிஜிபியாக சைலேந்திர பாபு பதவி ஏற்றுக்கொண்டார். அவரிடம் டிஜிபி திரிபாதி பொறுப்பை ஒப்படைத்தார். பின்னர் புதிதாக டிஜிபியாக தேர்வு செய்யப்பட்ட சைலேந்திர பாபுவுக்கு பூங்கொத்து கொடுத்து வாழ்த்துகளை தெரிவித்தார்.