திருவள்ளூர் மாவட்டம் ஊத்துக்கோட்டை நகர எல்லையில் ஆரணி ஆறு பாய்கிறது. ஆந்திர மாநிலம் சித்தூர் மாவட்டம் பிச்சாட்டூரில் ஆரணியார் அணை உள்ளது. இந்த அணை முழுவதுமாக நிரம்பினால் உபரி நீர் ஆரணி ஆற்றில் திறந்து விடப்படுவது வழக்கம். இப்படி திறந்து விடப்படும் தண்ணீர் பிச்சாட்டூர், ராமகிரி, நந்தனம், சுப்பாநாயுடுகண்டிகை, காரணி சுருட்டப்பள்ளி, ஊத்துக்கோட்டை, பெரியபாளையம், ஆரணி வழியாக பாய்ந்து வங்கக் கடலில் கலக்கிறது. இந்த நிலையில் ஊத்துக்கோட்டை ஆரணி ஆற்றங்கரையில் நேற்று பழமையான கல்வெட்டு ஒன்று கிடப்பதை மாடு மேய்த்துக் கொண்டிருந்த சிறுவர்கள் பார்த்து அக்கம் பக்கத்தில் உள்ள பெரியோர்களுக்கு தெரிவித்தனர். அவர்கள் ஊத்துக்கோட்டையில் உள்ள தாலுகா அலுவலகத்துக்கு தகவல் தெரிவித்தனர்.

தொல்பொருள் ஆராய்ச்சியாளர்கள்