இச்செய்தி காட்டு தீ போல் வேகமாக பரவிய நிலையில், அம்மன் சிலை அருகே உள்ள நெல்லூர் அம்மன் கோவிலில் வைத்து பொதுமக்கள் வழிபட ஆரம்பித்துவிட்டனர். தகவல் அறிந்து வந்த பொன்னேரி போலீஸ் இன்ஸ்பெக்டர் சின்னதுரை, சப்-இன்ஸ்பெக்டர் வெங்கடேசன் ஆகியோர் விசாரணை செய்த நிலையில் வருவாய்த்துறையினருக்கு தகவல் தெரிவித்தனர். பின்னர் பொன்னேரி வருவாய் ஆய்வாளர், கிராம நிர்வாக அலுவலர் ஆகியோர் பொதுமக்கள் உதவியுடன் பொன்னேரி தாசில்தார் செல்வகுமாரிடம் அம்மன் சிலையை ஒப்படைத்தனர். ஆரணி ஆற்றின் அணைக்கட்டில் ஐம்பொன் சிலை கண்டெடுக்கப்பட்ட சம்பவம் அப்பகுதியில் பரபரப்பை ஏற்படுத்தியது.