சென்னை,
சென்னை பல்கலைக்கழக தேர்வுக்கட்டுப்பாட்டு அலுவலர் கே.பாண்டியன் வெளியிட்டுள்ள செய்திக்குறிப்பில் கூறப்பட்டிருப்பதாவது:-
சென்னை பல்கலைக்கழகத்தின் தொலைதூரக்கல்வியில் இளங்கலை, முதுகலை, பி.லிஸ் மற்றும் எம்.லிஸ் பட்டப்படிப்பு மற்றும் டிப்ளமோ சான்றிதழ் படிப்புக்கான ஜூன் 2020 செமஸ்டர் தேர்வுக்கு விண்ணப்பிக்கலாம்.
www.ideunom.ac.in என்ற இணையதளத்தில் இதற்கான விண்ணப்பங்கள் கிடைக்கின்றன. 7-ந்தேதி (இன்று) முதல் வருகிற 21-ந்தேதி வரை அபராதம் இல்லாமலும், 22-ந்தேதி முதல் 26-ந்தேதி வரை அபராதத்துடனும் விண்ணப்பிக்கலாம்.
இவ்வாறு அதில் தெரிவிக்கப்பட்டுள்ளது.