முன்னாள் அமைச்சர் ராஜேந்திரபாலாஜி விவகாரத்தில் முதல்-அமைச்சர் மு.க.ஸ்டாலின் பழிவாங்கும் நோக்கோடு, அவரது உறவினர்கள் மற்றும் நண்பர்களை காவல்துறை மற்றும் லஞ்ச ஒழிப்புத்துறையை ஏவிவிட்டு நெருக்கடி கொடுத்ததாலேயே அவர் தலைமறைவாக இருந்துகொண்டு முன்ஜாமீன் பெற்றதாகவும், சுப்ரீம் கோர்ட்டு தி.மு.க. அரசின் நடவடிக்கைகளை கண்டித்து உள்ளதையும் சுட்டிக்காட்டி உள்ளார்.

டெல்லி குடியரசு தின அணிவகுப்பில் தமிழக அரசின் அலங்கார ஊர்தி நிராகரிக்கப்பட்டது பற்றி பேசுகையில், இதற்கு முழு காரணம் அனுபவம் இல்லாத தி.மு.க. அரசும், அதிகாரிகளும்தான் காரணம் என்று கடும் விமர்சனத்தை முன்வைத்துள்ளார். அலங்கார ஊர்திகளின் கருத்துரு மற்றும் படங்கள் குறித்து அவர்களுக்கு விரிவாக விளக்கி அவர்கள் கேட்கும் கேள்விகளுக்கு சரியான பதில் கொடுக்க வேண்டும் என்றும் இவர்கள் அனுபவம் இல்லாத காரணத்தினாலே அது நிராகரிக்கப்பட்டதாகவும், அதை மறைத்து அரசியல் ஆதாயம் தேட தேவையில்லாத காரணங்களை சொல்கிறார்கள் என்றும் குற்றம் சாட்டியுள்ளார்.