சென்னை மாநகராட்சி வெளியிட்டுள்ள செய்திக்குறிப்பில் கூறியிருப்பதாவது:-

இந்திய தேர்தல் ஆணையத்தின் அறிவுரையின்படி, வாக்காளர் பட்டியலில் பெயர் சேர்க்க, நீக்க, திருத்தம் செய்ய மற்றும் முகவரி மாற்ற கடந்த 4, 5-ந் தேதிகளில் சிறப்பு முகாம் நடைபெற்றது. இதனை தொடர்ந்து, வரும் 18, 19-ந் தேதிகளில் 2-ம் கட்டமாக முகாம் நடத்தப்படும் என தேர்தல் ஆணையம் தெரிவித்திருந்தது. இந்தநிலையில், தீபாவளியை முன்னிட்டு 13-ந்தேதி அரசு பொது விடுமுறையாக அறிவித்தது, அதற்கு பதிலாக 18-ந்தேதியை வேலை நாளாக அறிவித்தது. இதனால் வரும் 18, 19-ந் தேதிகளில் நடக்க இருந்த வாக்காளர் பட்டியல் சிறப்பு முகாம், 25, 26-ந் தேதிகளுக்கு மாற்றப்பட்டுள்ளது.