தூத்துக்குடி மாவட்டம் ஸ்ரீவைகுண்டம் அருகே தாமிரபரணி ஆற்றங்கரையில் அமைந்துள்ளது ஆதிச்சநல்லூர். இந்தியாவிலேயே முதன் முதலாக அகழாய்வு செய்த இடம் என்ற சிறப்பை கொண்ட ஆதிச்சநல்லூரில் இரும்பு பொருட்கள், சுடுமண் பொருட்கள், மூவாயிரம் ஆண்டு பழமையான நெல்மணிகள் உள்ளிட்ட ஏராளமான பொருட்கள் கண்டுபிடிக்கப்பட்டன.

மத்திய தொல்லியல் துறை சார்பில் அந்த பகுதியில் கடந்த 2004 ஆம் ஆண்டு வரை அகழாய்வு பணிகள் மேற்கொள்ளப்பட்டன. அதன் பிறகு அகழாய்வு பணிகள் நிறுத்தப்பட்டிருந்த நிலையில், ஆதிச்சநல்லூரில் உலகத்தரம் வாய்ந்த அருங்காட்சியகம் அமைக்கப்படும் என மத்திய நிதியமைச்சர் நிர்மலா சீதாராமன் பட்ஜெட் கூட்டத்தொடரின் போது அறிவித்தார்.