இதேபோல் தர்மபுரியில் நெடுஞ்சாலையோர பகுதிகளில் செயல்படும் ஓட்டல்களில் உணவு பாதுகாப்பு துறையினர் திடீர் சோதனை நடத்தினார்கள். அப்போது காலாவதியான உணவுப் பொருட்கள் பறிமுதல் செய்யப்பட்டது. உணவில் பயன்படுத்தப்படும் செயற்கை நிறமிகள், சுவையை கூட்டுவதற்காக சேர்க்கப்படும் செயற்கை சுவையூட்டிகள் பறிமுதல் செய்யப்பட்டு அழிக்கப்பட்டன. சம்பந்தப்பட்ட கடைகளுக்கு ரூ.1000 வீதம் அபராதம் விதிக்கப்பட்டது. ஓட்டல்கள் மற்றும் தாபாக்களில் ஒருமுறை சமையலுக்கு பயன்படுத்தப்பட்ட எண்ணெயை மீண்டும் பயன்படுத்தக்கூடாது. இந்த எண்ணெயை மீள் சுழற்சிக்காக வழங்க வேண்டும் என்று அப்போது அறிவுறுத்தப்பட்டது.