அரியலூர் நகரின் தென்பகுதியில் அமைந்துள்ள பல நூற்றாண்டுகள் பழமை வாய்ந்த திரவுபதி அம்மன் கோவில் தீமிதி திருவிழாவை முன்னிட்டு கொடியேற்றம் நடைபெற்றது. இதையொட்டி நேற்று முதல் மகாபாரத கதை நடைபெற உள்ளது. வருகிற ஆகஸ்டு மாதம் 9-ந் தேதி திருக்கல்யாணமும், அதனைத்தொடர்ந்து சாமி திருவீதி விழாவும் நடைபெற உள்ளது. விழாவின் முக்கிய நிகழ்ச்சியான தீமிதி ஆகஸ்டு மாதம் 15-ந் தேதி நடைபெற உள்ளது. கொடியேற்றும் கம்பத்திற்கு மஞ்சள், குங்குமம் தடவி சிறப்பு வழிபாடு பூஜைகள் நடைபெற்று கொடியேற்றம் நடைபெற்றது. இதற்கான ஏற்பாடுகளை தென்பகுதி பொதுமக்கள் மற்றும் நிர்வாகிகள் செய்து வருகின்றன.