கர்நாடகா நீர்ப்பிடிப்பு பகுதிகளில் பெய்து வரும் கனமழை காரணமாக ஓசூர் கெலவரப்பள்ளி அணைக்கு 2-வது நாளாக நீர்வரத்து அதிகரித்துள்ளது. நேற்று வினாடிக்கு 1,600 கனஅடி தண்ணீர் வந்தது. அணைக்கு வரும் தண்ணீர் முழுவதும் தென்பெண்ணை ஆற்றில் திறந்து விடப்பட்டது. இதையடுத்து தென்பெண்ணை ஆற்றில் வெள்ளப்பெருக்கு ஏற்பட்டுள்ளது. தொடர்ந்து 2-வது நாளாக, நீர்வரத்து அதிகரித்து இருப்பதால் கரையோர பகுதிகளான பெத்தகுல்லு, சின்னகுல்லு, முத்தாலி மற்றும் சுற்றுப்புற கிராம மக்களுக்கு வருவாய்த்துறை சார்பில் தண்டோரா மூலம் வெள்ள அபாய எச்சரிக்கை விடுக்கப்பட்டுள்ளது.