தமிழ்நாடு சீருடையாளர் பணியாளர் தேர்வாணையம் சார்பில் தமிழக போலீஸ் துறையில் 202 கைரேகை பிரிவு சப்-இன்ஸ்பெக்டர் களை தேர்வு செய்வதற்கான அறிவிப்பு கடந்த ஆண்டு மே மாதம் வெளியிடப்பட்டது. இதில் 40 பதவிகள் போலீசில் பணியாற்றுபவர்களுக்கு ஒதுக்கப்படுவதாக அறிவிக்கப்பட்டது. கைரேகை சப்-இன்ஸ்பெக்டர்களுக்கான எழுத்து தேர்வு கடந்த டிசம்பர் மாதம் 22 மற்றும் 23-ந் தேதிகளில் நடந்தது.

எழுத்து தேர்வு முடிவு கடந்த மாதம் 5-ந்தேதி வெளியாகியது. இதில் பொது ஒதுக்கீட்டில் 525 பேரும், போலீஸ் துறையில் பணியாற்றி வரும் 2 ஆயிரத்துக்கும் மேற்பட்டோரும் தேர்ச்சி பெற்றிருந்தனர். அவர்களுக்கு ஜனவரி 20-ந்தேதி உயரம் சரிபார்க்கப்பட்டது. போலீசில் பணியாற்றி தேர்ச்சி பெற்றவர்களுக்கு ஜனவரி 21-ந்தேதி முதல் கடந்த 9-ந்தேதி வரையிலும், பொது ஒதுக்கீட்டில் தேர்ச்சி பெற்றவர்களுக்கு கடந்த 11-ந்தேதி முதல் 14-ந்தேதி வரையிலும் நேர்முகத்தேர்வு நடந்தது.