முன்னாள் பிரதமர் மற்றும் பாரதீய ஜனதா கட்சியின் மூத்த தலைவரான அடல் பிஹாரி வாஜ்பாய் (வயது 93) முதுமை மற்றும் உடல்நல குறைவால் கடந்த ஜூன் 11ந்தேதி எய்ம்ஸ் மருத்துவமனையில் சேர்க்கப்பட்டார்.

இந்த நிலையில், கடந்த 24 மணி நேரமாக வாஜ்பாயின் உடல்நிலை மிகவும் மோசம் அடைந்துள்ளதாகவும், அவர் கவலைக்கிடமாக இருப்பதாகவும் எய்ம்ஸ் ஆஸ்பத்திரி நிர்வாகம் நேற்று இரவு அறிவித்தது. உயிர் காக்கும் உபகரணங்களுடன் அவருக்கு தீவிர சிகிச்சை அளிக்கப்பட்டு வருவதாகவும் தெரிவிக்கப்பட்டது. இதையடுத்து, வாஜ்பாய் உடல் நிலை குறித்து நலம் விசாரிக்க டெல்லி எய்ம்ஸ் மருத்துவமனைக்கு பல்வேறு தேசிய தலைவர்கள் இன்று வந்தனர்.