விருத்தாசலம் மதுவிலக்கு அமலாக்கப்பிரிவு போலீஸ் இன்ஸ்பெக்டர் சக்தி மற்றும் போலீசார் கடந்த 1-ந்தேதி பாலக்கரை மேம்பாலம் அருகே வாகன சோதனை நடத்தினர். அப்போது, போலீசாரை பார்த்ததும் ஒரு நபர் தப்பி ஓட முயன்றார். அவரை போலீசார் பிடித்து விசாரித்த போது, அவர் சு.கீனனூரை சேர்ந்த கதிர்வேல் மகன் ராஜா (வயது 33) என்பது தெரிந்தது. தொடர்ந்து அவரை சோதனை செய்த போது, அவர் 1 கிலோ 200 கிராம் கஞ்சாவை விற்பனைக்காக வைத்திருந்தது தெரிய வந்தது. இதையடுத்து அவரை போலீசார் கைது செய்து, கோர்ட்டில் ஆஜர்படுத்தி கடலூர் மத்திய சிறையில் அடைத்தனர். இவர் மீது விருத்தாசலம், ஊ.மங்கலம், வடலூர் ஆகிய போலீஸ் நிலையங்களில் 6 கஞ்சா வழக்குகள், நெய்வேலி டவுன்ஷிப் போலீஸ் நிலையத்தில் ஒரு திருட்டு வழக்கு, ஊ.மங்கலம் போலீஸ் நிலையத்தில் ஒரு கொலை முயற்சி வழக்கு என 8 வழக்குகள் உள்ளன.