தமிழகத்தில் தக்காளி, சின்னவெங்காயம், இஞ்சி உள்ளிட்ட காய்கறிகள் விலை கிடுகிடுவென உயர்ந்தது. மார்க்கெட் மற்றும் உழவர் சந்தைகளில் கடந்த வாரம் ஒரு கிலோ இஞ்சி ரூ.275 முதல் ரூ.300 வரை விற்பனை செய்யப்பட்டது. நேற்று முன்தினம் தர்மபுரி உழவர் சந்தையில் 1 கிலோ இஞ்சி ரூ.274-க்கு விற்பனையானது. நேற்று கிலோவுக்கு ரூ.14 குறைந்தது. சந்தைக்கு இஞ்சி வரத்து அதிகரித்ததால் விலை குறைந்ததாக வியாபாரிகள் தெரிவித்தனர். தர்மபுரி உழவர் சந்தையில் நேற்று 1 கிலோ இஞ்சி ரூ.260-க்கு விற்பனையானது. வெளிமார்க்கெட்டுகளில் ரூ.270 முதல் ரூ.280 வரை விற்பனை செய்யப்பட்டது.