உளுந்தூர்பேட்டையில் வாரந்தோறும் புதன்கிழமை அன்று ஆட்டுச்சந்தை நடைபெறுவது வழக்கம். அதன்படி நேற்று வாரச்சந்தை நடைபெற்றது. இதில் உளுந்தூர்பேட்டை மற்றும் அதனை சுற்றியுள்ள பல்வேறு கிராமங்களை சேர்ந்த ஏராளமானவிவசாயிகள் தாங்கள் வளர்த்து வந்த ஆடுகளை விற்பனைக்காக வாகனங்களில் கொண்டு சென்றனர்.

இதில் திருச்சி, சேலம், மதுரை, தேனி, கம்பம், கடலூர், திருவண்ணாமலை உள்பட பல்வேறு பகுதிகளில் இருந்து ஏராளமான வியாபாரிகள் வந்து ஆடுகளை போட்டி போட்டு வாங்கினர். தரத்திற்கு ஏற்ப ஒரு ஆடு ரூ.5 ஆயிரம் முதல் ரூ.20 ஆயிரம் வரை விற்பனையானது.