விழுப்புரம் மாவட்டம் திருவெண்ணெய்நல்லூரை அடுத்த பேரங்கியூர் கிழக்கு தெருவை சேர்ந்தவர் ராமகிருஷ்ணன். இவருடைய மனைவி கலையரசி (வயது 45). இவர்கள் கடந்த 5 ஆண்டுகளாக விழுப்புரம் தந்தை பெரியார் நகர் குடியிருப்பில் ஒரு வாடகை வீட்டில் வசித்து வருகின்றனர்.

இந்நிலையில் நேற்று காலை ராமகிருஷ்ணனும், அவரது மனைவி கலையரசியும் சொந்த ஊருக்கு சென்றுவிட்டு மீண்டும் அங்கிருந்து விழுப்புரம் தந்தை பெரியார் நகருக்கு மொபட்டில் புறப்பட்டனர். மதியம் 2 மணியளவில் விழுப்புரம் அரசு ஊழியர் நகர் என்ற இடத்தில் வரும்போது எதிரே மோட்டார் சைக்கிளில் வந்த 25 வயது மதிக்கத்தக்க வாலிபர் ஒருவர் திடீரென, கலையரசியின் கழுத்தில் அணிந்திருந்த 4 பவுன் சங்கிலியை பறித்தார்.