கூட்டம் முடிந்ததும் ஆர்.கே.செல்வமணி நிருபரிடம் கூறும்போது, திரைப்பட தொழிலாளர்களில் பொருளாதாரத்தில் பின்தங்கிய 4 ஆயிரம் பேருக்கு பையனூரில் அரசு சார்பில் அடுக்குமாடி வீடுகள் கட்டித்தர வேண்டும் என்று நாங்கள் விடுத்த கோரிக்கையை அரசு ஏற்றுள்ளது.

இதற்கான பணிகளை உடனடியாக கவனிக்கும்படி அதிகாரிகளுக்கு துணை முதல்- அமைச்சர் உத்தரவிட்டு உள்ளார். மேலும் நிலத்தை மேம்படுத்துவதற்கான செலவில் ஒரு பகுதியை அரசு தரும் என்றும், இன்னொரு பகுதியை நன்கொடை மூலம் திரட்டும்படியும் அவர் தெரிவித்து உள்ளார். எங்கள் கோரிக்கையை ஏற்ற அரசுக்கு நன்றி தெரிவித்துக்கொள்கிறோம் என்றார்.