மாறாக, கையூட்டுத் தடுப்புப் பிரிவினர் பதிவு செய்த முதல் தகவல் அறிக்கையில் 17 அதிகாரிகளின் பெயர்களும், அவர்களின் விவரங்களும் இடம் பெற்றிருப்பதால் அதனடிப்படையில் மட்டுமே அமலாக்கப் பிரிவு விசாரிக்க முடியும். அதற்காக, குட்கா வழக்கில் பதிவு செய்யப்பட்ட முதல் தகவல் அறிக்கை உள்ளிட்ட வழக்கு ஆவணங்களை வழங்கும்படி அமலாக்கப்பிரிவு விடுத்த வேண்டுகோளைத் தமிழக காவல்துறை நிராகரித்துள்ளது. இதற்காக காவல்துறை கூறியுள்ள காரணங்கள் ஏற்க முடியாதவை.

குட்கா ஊழலை சந்தேகத்திற்கு இடமில்லாத வகையில் நிரூபிப்பதற்கு தேவையான ஆதாரங்கள் வருமானவரித்துறையிடமும், சி.பி.ஐ.யிடமும் உள்ளன. அவற்றின் மூலம் அமைச்சர் விஜயபாஸ்கர் உள்ளிட்டோர் தண்டிக்கப்படுவது உறுதி. எனவே, எத்தகைய பழிக்கும் ஆளாகாமல், குட்கா ஊழல் குறித்த அனைத்து ஆவணங்களையும் அமலாக்கப்பிரிவிடம் லஞ்ச தடுப்புப் பிரிவு ஒப்படைக்க வேண்டும்.

இவ்வாறு அவர் கூறியுள்ளார்.