செயல்படுத்த வேண்டும்

2-ம் கட்ட ஒகேனக்கல் கூட்டுக் குடிநீர் திட்டம், காவிரி நடுவர் மன்றம் மற்றும் சுப்ரீம் கோர்ட்டு தீர்ப்பின்படி தமிழ்நாட்டிற்கு வழங்கப்படும் தண்ணீரைக் கொண்டு தான் செயல்படுத்தப்படவுள்ளது. இன்னும் கேட்டால் நடுவர் மன்ற இடைக்காலத் தீர்ப்பின்படி தமிழகத்திற்கான தண்ணீர் மேட்டூர் அணையில் அளவிடப்பட்டது. ஆனால், இப்போது பிலிகுண்டுலுவில் அளவிடப்பட்டு, அதன் பிறகு தான் ஒகேனக்கல்லுக்கு வருகிறது. அதன்படி ஒகேனக்கல்லுக்கு வரும் காவிரி நீரில் புதுச்சேரிக்கான 7 டி.எம்.சி தவிர மீதமுள்ள நீர் முழுவதும் தமிழகத்திற்கே சொந்தமானது. அதைக் கொண்டு 2-ம் கட்ட ஒகேனக்கல் கூட்டுக் குடிநீர் திட்டத்தை தமிழ்நாடு அரசு செயல்படுத்தும் போது அதில் தலையிட கர்நாடகத்திற்கு எந்த உரிமையும் கிடையாது.

அதனால், 2-ம் கட்ட ஒகேனக்கல் கூட்டுக் குடிநீர் திட்டத்திற்கு எந்த முட்டுக்கட்டையும் போடாமல் விலகியிருக்க வேண்டும். தமிழ்நாடு அரசும், கர்நாடகத்தின் எதிர்ப்புகளை கண்டு அஞ்சாமல் 2-ம் கட்ட கூட்டுக் குடிநீர் திட்டத்தை விரைந்து செயல்படுத்த வேண்டும்.

இவ்வாறு அவர் கூறியுள்ளார்.