புதுவையில் இன்று காலை 10 மணியுடன் நிறைவடைந்த 24 மணிநேரத்தில் 2 ஆயிரத்து 501 பேருக்கு கொரோனா பரிசோதனை மேற்கொள்ளப்பட்டது. அவர்களில் 24 பேருக்கு தொற்று உறுதியானது. தற்போது ஆஸ்பத்திரிகளில் 35 பேர், வீடுகளில் 151 பேர் என 186 பேர் தனிமைப்படுத்தப்பட்டு தொடர் சிகிச்சையில் உள்ளனர்.

இன்று 10 பேர் குணமடைந்தனர். அதே நேரத்தில் மூலக்குளம் மகாவீர் நகரை சேர்ந்த 84 வயது முதியவர் கொரோனாவுக்கு பலியானார். இதனால் பலியானவர்களின் எண்ணிக்கை 1,879 ஆக உயர்ந்துள்ளது.