இந்நிலையில், 16.8.2017 அன்று காவிரி மற்றும் கொள்ளிடம் ஆற்றுப்படுகைகளில் இயங்கி வந்த அனைத்து மணல் குவாரிகளும் இயங்குவதற்கு சென்னை ஐகோர்ட்டின் மதுரை கிளை இடைக்கால தடை உத்தரவு பிறப்பித்தது.

எனவே மணல் தட்டுப்பாட்டை தவிர்க்க பிற மாவட்டங்களில் உள்ள ஆற்றுப்படுகைகளில் புதிய மணல் குவாரிகளை தொடங்க அனுமதி பெறப்பட்ட நிலையில், மாநிலம் முழுவதும் புதிய மணல் குவாரிகளை தொடங்க கோர்ட்டு தடை விதித்து 29.11.2017 அன்று உத்தரவிடப்பட்டது. மணல் குவாரிகளை 6 மாதங்களுக்குள் மூடவும் உத்தரவிடப்பட்டுள்ளது.

இந்நிலையில்தான், தமிழ்நாடு அரசு மணல் தட்டுப்பாட்டை போக்க எம்சாண்ட் மணல் உற்பத்தியை பரிசீலித்து அனுமதி அளித்து வருகிறது. மேலும் வெளிநாடுகளில் இருந்து மணலை இறக்குமதி செய்யவும், பிற மாநிலங்களில் இருந்து மணலை கொண்டு வரவும், அதனை பொதுப்பணித்துறை மூலமாக மட்டுமே விற்பனை செய்யவும் உரிய வரைமுறைகளை வகுத்து ஆணைகளை அரசு பிறப்பித்துள்ளது. இதன்மூலம் கட்டுமானத்துக்கு தேவையான மணல் குறைந்த விலையில் பொதுமக்களுக்கு தங்கு தடையின்றி கிடைக்க அரசு நடவடிக்கை எடுத்து வருகிறது.

தற்போது, 2 பொதுநல வழக்குகள் ஐகோர்ட்டில் நிலுவையில் உள்ளன. இதனால் தற்காலிக மணல் தட்டுப்பாடு ஏற்பட்டுள்ளது. இந்த வழக்குகளில் அரசுக்கு சாதகமாக தீர்ப்புகள் வந்த பிறகு தற்போது நிலவிவரும் மணல் தட்டுப்பாடு முற்றிலும் நீங்கிவிடும்.

இவ்வாறு அவர் பதில் அளித்தார்.