தேனி மாவட்டத்தில் கடந்த சில நாட்களாக மழை பெய்து வருகிறது. இந்நிலையில் தேனி, திண்டுக்கல், கோவை, திருப்பூர் ஆகிய 4 மாவட்டங்களில் மிக கன மழை பெய்ய வாய்ப்புள்ளதால் 'ரெட் அலார்ட்' அறிவிக்கப்பட்டது. இதனால் இன்று அதிகாலையில் இருந்தே தேனி மாவட்டத்தின் பல இடங்களிலும் பலத்த மழை பெய்தது. காலை 6 மணி வரை மழை நீடித்தது. இதனால் தேனி மாவட்டத்தில் உள்ள பள்ளிகளுக்கு இன்று விடுமுறை அளித்து கலெக்டர் முரளிதரன் உத்தரவிட்டார். தொடர்ந்து மாலை வரை விட்டு விட்டு சாரல் மழை பெய்தது. இந்த மழை காரணமாக ஆறு, அணைகளுக்கு நீர்வரத்து அதிகரித்துள்ளது.