அந்த உத்தரவை பின்பற்றாமல் தனி நபரின் லாபத்திற்காக உப்பாற்று ஓடையில் உள்ள ரசாயன கழிவுகளை விற்க முயற்சிப்பது சட்ட விரோதமானது. எனவே உப்பாற்று ஓடை மற்றும் தனியார் இடத்தில் உள்ள ஸ்டெர்லைட் ஆலை ரசாயன கழிவுகளை தனி நபர் ஆக்கிரமிப்பு செய்து விற்பனை செய்ய தடை விதிக்க வேண்டும்.

இவ்வாறு மனுவில் கூறியிருந்தார்.

இந்த மனு நீதிபதிகள் சிவஞானம், ஆனந்தி ஆகியோர் முன்பு விசாரணைக்கு வந்தது. அப்போது மனுதாரர் வக்கீல் ஆஜராகி, உப்பாற்று ஓடையில் ரசாயன கழிவுகளை அகற்றும்படி கடந்த 2018-ம் ஐகோர்ட்டு உத்தரவு பிறப்பித்தும் தற்போது வரை செயல்படுத்தவில்லை என்றார்.

இடைக்கால தடை

இதையடுத்து நீதிபதிகள் பல்வேறு கேள்விகளை எழுப்பினர். அதாவது, ஓடையில் கொட்டப்பட்ட கழிவுகள் ஆபத்தை விளைவிக்கக்கூடியதா? ஓடையில் தாமிர கழிவுகளை கொட்டியவர்கள் யார்? கடந்த 2018-ம் ஆண்டு பிறப்பித்த உத்தரவை தற்போது வரை ஏன் செயல்படுத்தவில்லை? என்பது குறித்து 12 வாரத்தில் தமிழக அரசு பதில் அளிக்கும்படி நீதிபதிகள் உத்தரவிட்டனர். மேலும் உப்பாற்று ஓடையில் தனியார் இடத்தில் கொட்டப்பட்டுள்ள ஸ்டெர்லைட் ஆலை கழிவுகளை தனியார் நிறுவனங்களுக்கு விற்பனை செய்ய இடைக்கால தடை விதிக்கப்படுகிறது என்றும் நீதிபதிகள் உத்தரவிட்டனர்.