சென்னை
ஜெயலலிதா மருத்துவமனையில் சிகிச்சை பெற்ற வீடியோவை தினகரன் ஆதரவாளர் வெற்றிவேல் வெளியிட்டார்.
தற்போது இந்த வீடியோ குறித்த பலவேறு தகவல்கள் வெளியாகி வருகிறது.ஆர்.கே.நகர் இடைத்தேர்தல் நடைபெறும் நேரத்தில் ஜெயலலிதா சிகிச்சை பெறும் வீடியோ வெளியிட்டது விதிமீறல் என தேர்தல் ஆணையம் தெரிவித்து உள்ளது.
ஜெயலலிதா சிகிச்சை பெறும் வீடியோ வெளியிட்ட வெற்றிவேல் மீது வழக்கு பதிவு செய்ய தேர்தல் ஆணையம் உத்தரவிட்டு உள்ளது. தேர்தல் நடத்தும் அலுவலர் பிரவீன் நாயர் புகாரின்பேரில் வழக்குப்பதிவு செய்யப்பட்டு உள்ளது.
இந்த நிலையில் ஜெயலலிதா சிகிச்சை வீடியோவை வெளியிட்ட வெற்றிவேல் மீது தேர்தல் அதிகாரி பிரவீன் நாயர் புது வண்ணாரப் பேட்டை போலீஸ் நிலையத்தில் புகார் செய்துள்ளார்.
தேர்தல் நடத்தை விதிமுறைகளை மீறி இந்த வீடியோ வெளியிடப்பட்டு உள்ளதாக புகார் அளிக்கப்பட்டு உள்ளது. இந்த புகார் மனு தொடர்பாக போலீஸ் அதிகாரிகள் ஆலோசனை நடத்தப்பட்டு வருகிறது.