தென்காசி மாவட்டம் சுரண்டை வரகுணராமபுரம் அம்மன் கோவில் தெருவைச் சேர்ந்தவர் விஜயன் (வயது 50). ரியல் எஸ்டேட் அதிபரான இவர் நேற்று தொழில் விஷயமாக ஆலங்குளத்துக்கு மோட்டார் சைக்கிளில் சென்றார். பின்னர் அங்கு வேலை முடிந்ததும், ஆலங்குளம் ஜோதிநகர் அருகில் உள்ள டாஸ்மாக் கடைக்கு சென்று மது வாங்கி கொண்டு, அங்குள்ள காட்டுப்பகுதிக்கு சென்று குடித்தார்.

அப்போது அங்கு வந்த 3 மர்நபர்கள் நைசாக விஜயனுடன் பேச்சுக்கொடுத்து அவரை மேலும் மதுகுடிக்க வைத்தனர். பின்னர் அவரை ஆள்நடமாட்டம் இல்லாத காட்டுப்பகுதிக்கு அழைத்து சென்றனர். அங்கு சென்றதும் அரிவாளைக் காட்டி மிரட்டிய மர்மநபர்கள், விஜயன் அணிந்து இருந்த 5 பவுன் தங்க நகைகளை பறித்தனர். மேலும் அவரிடம் இருந்த ரூ.20 ஆயிரம் மதிப்பிலான செல்போனையும் பறித்தனர்.