இந்துக்களின் புனித தலங்களில் ஒன்றான காசிக்கும், தமிழகத்துக்கும் இடையேயான பண்டைய கலாசாரம், பாரம்பரியம் மற்றும் அறிவுத்தொடர்பை மீண்டும் கண்டறியவும், கொண்டாடவும் வசதியாக பாரதிய பாஷா சமிதி என்ற அமைப்பு வாரணாசியில் 'காசி தமிழ் சங்கமம்' நிகழ்ச்சி நடத்த முடிவு செய்துள்ளது.

அடுத்த மாதம் நவம்பர் 16-ந்தேதி முதல் டிசம்பர் 19 வரை என ஒரு மாதம் நடைபெறும் இந்த நிகழ்ச்சியில் கருத்தரங்குகள், விவாத அரங்குகள், கலாசார-பாரம்பரிய நிகழ்வுகள் என பல்வேறு நிகழ்வுகளுக்கு திட்டமிடப்பட்டு உள்ளன. இந்த தகவலை மத்திய மந்திரிகள் தர்மேந்திர பிரதான் மற்றும் எல்.முருகன் ஆகியோர் செய்தியாளர்களிடம் தெரிவித்தனர்.