சேலம் உத்தமசோழபுரம் ஒழுங்குமுறை விற்பனை கூடத்தில் கொப்பரை தேங்காய் மறைமுக ஏலம் வேளாண்மை துணை இயக்குனர் கண்ணன் தலைமையில் நடந்தது. தேசிய வேளாண் மின்னணு சந்தை இணையதளம் மூலம் நடந்த ஏலத்தில் 50-க்கும் மேற்பட்ட விவசாயிகளும், சேலம், நாமக்கல், ஈரோடு, காங்கயம் உள்ளிட்ட பகுதிகளில் இருந்து வியாபாரிகளும் கலந்து கொண்டனர். கொப்பரை தேங்காய் கிலோ குறைந்தபட்சமாக ரூ.62-க்கும், அதிகபட்சமாக ரூ.80.36-க்கும் விற்பனையானது. மொத்தம் 5.62 டன் அளவுள்ள 124 மூட்டை கொப்பரை தேங்காய் ரூ.4 லட்சத்து 25 ஆயிரத்திற்கு ஏலம் போனதாக ஒழுங்குமுறை விற்பனை கூட கண்காணிப்பாளர் சுப்பிரமணி தெரிவித்தார்.