ஆந்திர மாநிலம், அனந்தபூர் பகுதியை சேர்ந்த கலைக்கல்லூரி மாணவர்கள் 18 பேர் மற்றும் சித்தூர் மாவட்டம், நலகாம்பள்ளியை சேர்ந்த கலைக்கல்லூரி மாணவர்கள் 22 பேர் என மொத்தம் 40 பேர் இரு குழுக்களாக இன்று மாமல்லபுரம் சுற்றுலா வந்தனர். அனைத்து புராதன சின்னங்கங்களையும் பார்த்த கல்லூரி கடற்கரைக்கு சென்றனர்.

அங்கு 20-க்கும் மேற்பட்ட மாணவர்கள் கடலில் இறங்கி குளித்தனர். இதில் கடல் சீற்றம் அதிகமாக இருந்ததால் 10 மாணவர்களை ராட்சத அலை நடுக்கடலுக்கு இழுத்து சென்றது. இதில் உயிருக்கு போரடிய 5 மாணவர்களை அங்குள்ள மீனவர்கள் மீட்டு கரைக்கு கொண்டு வந்தனர்.எனினும், அலையில் இழுத்து செல்லப்பட்ட நலகாம்பள்ளியை சேர்ந்த விஜய்(வயது24) என்ற மாணவர் மூச்சு திணறி உயிரிழந்தார்.