தமிழகத்தில் மக்களை தேடி மருத்துவம் என்ற திட்டத்தை தமிழக அரசு செயல்படுத்த உள்ளது. இந்த திட்டத்தின் தொடக்க விழா கிருஷ்ணகிரி மாவட்டத்தில் உள்ள கிராம பகுதியில் இன்று(வியாழன்) தொடங்கி வைக்கப்படுகிறது. இந்த திட்டத்தை தமிழக முதல்-அமைச்சர் மு.க.ஸ்டாலின் தொடங்கி வைக்க உள்ளார்.

இத்திட்டத்தை தொடங்கி வைப்பதற்காக முதல்-அமைச்சர் மு.க.ஸ்டாலின் நேற்று சென்னையில் இருந்து தனி விமானம் மூலம் ஓசூர் சென்றடைந்தார். அங்குள்ள தனியார் ஓட்டலில் தங்கி ஓய்வெடுத்த பின்னர், இன்று காலை 9.30 மணிக்கு ஓசூரில் இருந்து சூளகிரி புறப்பட்டு செல்கிறார். அங்கு நடைபெறும் விழாவில் மக்களை தேடி மருத்துவம் என்ற திட்டத்தை முதல்-அமைச்சர் மு.க.ஸ்டாலின் தொடங்கி வைக்கிறார்.