நிலக்கோட்டை அருகே உள்ள வெங்கடாஸ்திரி கோட்டையைச் சேர்ந்தவர் செல்வ பெருமாள் (வயது 59). முன்னாள் ராணுவ வீரர். நேற்று இவர், நிலக்கோட்டையில் இ்ருந்து மோட்டார்சைக்கிளில் வெங்கடாஸ்திரி கோட்டைக்கு சென்று கொண்டிருந்தார். நிலக்கோட்டை-வத்தலக்குண்டு சாலையில் மணியகாரன்பட்டி அருகே சென்றபோது எதிரே மீனாட்சிபுரத்தை சேர்ந்த தனபாண்டி என்பவர் ஓட்டி வந்த மோட்டார்சைக்கிள், இவரது மோட்டார்சைக்கிள் மீது மோதியது. இதில் தூக்கி வீசப்பட்ட 2 பேரும் படுகாயமடைந்தனர். பின்னர் அவர்களை அக்கம்பக்கத்தினர் மீட்டு சிகிச்சைக்காக நிலக்கோட்டை அரசு மருத்துவமனைக்கு அனுப்பி வைத்தனர். அங்கு பரிசோதனை செய்த டாக்டர்கள் செல்வபெருமாள் ஏற்கனவே இ்றந்து விட்டதாக தெரிவித்தனர்.