வெள்ளகோவிலில் ஞாயிற்றுக்கிழமை தோறும் முருங்கைக்காய் கொள்முதல் நிலையம் செயல்பட்டு வருகிறது.இந்த கொள்முதல் நிலையத்திற்கு சுற்றுவட்டார பகுதியில் உள்ள விவசாயிகள் முருங்கைக்காய்களை விற்பனைக்கு கொண்டு வருவார்கள்.
அதன்படி நேற்று 60-க்கும் மேற்பட்ட விவசாயிகள் 6 டன் முருங்கைக்காய்களை விற்பனைக்கு கொண்டு வந்திருந்தனர். முத்தூர், வெள்ளகோவில், சின்ன தாராபுரம், மூலனூர் பகுதிகளை சேர்ந்த வியாபாரிகள் 8 பேர் கலந்து கொண்டு ஒரு கிலோ கரும்பு முருங்கை ரூ.23-க்கும், மர முருங்கை ரூ.15-க்கும், செடி முருங்கை ரூ.18-க்கும் கொள்முதல் செய்தனர். இத்தகவலை முருங்கை வியாபாரி செல்லப்பகவுண்டர் தெரிவித்தார்.