குலசேகரன்பட்டினம் முத்தாரம்மன் கோவிலில் தைமாத கடைசி செவ்வாய்கிழமையை முன்னிட்டு காலை 6 மணிக்கு நடைதிறக்கப்பட்டது. காலை 8 மணிக்கு கால சாந்தி பூஜை நடைபெற்றது. மதியம் 2 மணிக்கு உச்சிகால பூஜை, மாலை 5.30 மணிக்கு சாயரட்சை பூஜை, இரவு 9 மணிக்கு ராக்கால பூஜை நடந்தது. தொடர்ந்து அன்னை முத்தாரம்மன் சப்பர பவனி நடந்தது. கோவில் வளாகத்தில் சப்பரத்தில் பவனி வந்த முத்தாரம்மனை திரளான பக்தர்கள் தரிசனம் செய்தனர்.