அப்போது நளினி தரப்பில் ஆஜரான வக்கீல் எம்.ராதாகிருஷ்ணன், நளினி தன்னை முன்கூட்டியே விடுவிக்கக்கோரி தற்போது 4-வது முறையாக இந்த வழக்கை தாக்கல் செய்துள்ளார். இந்தியாவிலேயே 28 ஆண்டுகளுக்கும் மேலாக சிறையில் இருப்பவர்கள் மனுதாரர் உள்ளிட்ட 7 பேராகத்தான் இருக்க முடியும்.

கவர்னர் அரசியலமைப்பு சட்ட விதிகளின்படி கடமையாற்ற தவறும்போது, நீதிமன்றம் தலையிட்டு தீர்வு காணவேண்டும். ஏற்கனவே, 7 பேர் விடுதலை தொடர்பாக தமிழக அரசு முடிவு எடுக்கலாம் என்று சுப்ரீம் கோர்ட்டு கூறியுள்ளது. தர்மபுரி பஸ் எரிப்பு வழக்கில் ஆயுள் தண்டனை பெற்றவர்களை விடுவிக்க கவர்னரிடம் ஒப்புதல் பெற்ற தமிழக அரசு, இந்த 7 பேரை விடுதலைக்காக இதுவரை கவர்னருக்கு அழுத்தம் கொடுக் கவில்லை. கவர்னரின் செயல் அரசியலமைப்பு சட்டத்துக்கு விரோதமானது என்று வாதிட்டார்.

இதையடுத்து இந்த வழக்கின் விசாரணையை வருகிற ஏப்ரல் 7-ந்தேதிக்கு நீதிபதிகள் தள்ளிவைத்தனர். அப்போது, நளினி கைது செய்யப்பட்டது நாள் முதல் அவரை விடுவிக்க அமைச் சரவை பரிந்துரை செய்த நாள் வரை நடந்துள்ள சம்பவங்கள் தொடர்பான அனைத்து விவரங்களையும் மனுதாரர் தரப்பு வக்கீல் அறிக்கையாக தாக்கல் செய்யவேண்டும் என்று உத்தரவிட்டனர்.