இந்த நிலையில் சூர்யா கருத்துக்கு எதிர்ப்பு தெரிவித்தும், புதிய கல்வி கொள்கையால் மாணவர்கள் தரம் மேம்படும் என்றும் வலைத்தளத்தில் சிலர் தெரிவித்துள்ளனர். சூர்யாவின் இந்த பேச்சு குறித்து பாஜக தேசிய செயலாளர் ஹெச்.ராஜா, பாஜக மாநிலத்தலைவர் தமிழிசை சவுந்திரராஜன் ஆகியோர் கடுமையாக எதிர்கேள்விகளை முன்வைத்து இருந்தனர். கல்விக்கொள்கை பற்றி சூர்யாவுக்கு என்ன தெரியும் என அமைச்சர் கடம்பூர் ராஜூ கேள்வி எழுப்பியிருந்தார்.

இந்நிலையில், காங்கிரஸ் கட்சியின் முன்னாள் தமிழக தலைவர் மற்றும் எம்.பி.யாக உள்ள திருநாவுக்கரசர், புதிய கல்வி கொள்கை குறித்த நடிகர் சூர்யாவின் கருத்து பொதுவாக எல்லோரும் ஆதரிக்கக்கூடிய கருத்து. எனவே நானும் ஆதரிக்கிறேன். அதனை வரவேற்கிறேன் என தெரிவித்து உள்ளார்.

கிராமப்புறங்களில் இருக்கக்கூடிய அரசு பள்ளிகளின் தரம், இன்னும் அதிகமாக உயர்த்தப்பட வேண்டும் என்றும் அவர் கூறியுள்ளார்.