செங்குன்றத்தை அடுத்த பாடியநல்லூர் ஊராட்சிக்கு உட்பட்ட கரிகாலன் நகரில் பெருமாள் என்பவர் வீடு கட்டி வருகிறார். இந்த கட்டிடத்தை கட்டும் பணியில் கொளத்தூர் பிரபு என்பவர் ஒப்பந்ததாரராக இருந்து வந்தார். இந்த கட்டிடப் பணியில் வட மாநில தொழிலாளர்கள் 10-க்கும் மேற்பட்டோர் வேலை செய்து வந்தனர். இந்த நிலையில், நேற்று மதியம் மேற்கு வங்க மாநிலம் கொல்கத்தாவை சேர்ந்த அலாவுதீன் (வயது 45) என்பவர் கட்டிட பணியில் ஈடுபட்டு கொண்டிருந்தபோது, வேலை செய்யும் இடத்தில் மேலே சென்று கொண்டிருந்த மின்சார கேபிள் அலாவுதீன் மீது பட்டு விட்டது. இதில் தூக்கி வீசப்பட்ட அவர், பரிதாபமாக சம்பவ இடத்திலேயே பலியானார்.