இந்த ஓவியங்களை அங்கு வரும் நோயாளிகள் பார்க்கும் போது, அவர்களின் எண்ண ஓட்டங்கள் மகிழ்ச்சியாக இருக்கும் என்று தெரியவந்துள்ளது. இதுகுறித்து ஆஸ்பத்திரி ஒருங்கிணைப்பு அதிகாரி டாக்டர் அனந்த குமார் கூறியதாவது:-

உடல் பரிசோதனை மையம் என்பது ஒரு ஆஸ்பத்திரி போல் இல்லாமல், உள்ளே நுழையும் போது பொதுமக்களுக்கு மன அமைதியை கொடுத்து, மன அழுத்தத்தை குறைக்கும் சுற்றுச்சூழலாக இருக்க வேண்டும்.

அதனால், தான் இங்கு வரும் மக்கள் எல்லோருக்கும் ஆஸ்பத்திரி போன்ற சூழல் உருவாகாமல் இருப்பதற்காக, முழு உடல் பரிசோதனை மையத்தில் நீருற்றுகள், வண்ண விளக்குகள், மீன் தொட்டிகள் அமைக்கப்பட்டுள்ளது. அந்த வரிசையில் தற்போது அழகான சுவர் ஓவியங்களும் வரையப்பட்டுள்ளன. இதனை பார்க்கும் பொதுமக்களுக்கு மன அமைதி, நிம்மதி கிடைக்கும். அப்போது டாக்டர்கள் அவர்களை பரிசோதனை செய்யும் போது, முடிவுகள் அனைத்தும் நல்லவிதமாக அமையும் என்ற திட்டத்தில் தான் இவை அமைக்கப்பட்டுள்ளது.

ஏற்கனவே இதற்கு முன்பு, புற்றுநோயால் பாதிக்கப்பட்டவர்கள் இருக்கும் வார்டுகளிலும், இது போன்ற வண்ண சுவர் ஓவியங்கள் வரையப்பட்டுள்ளன. அவற்றிற்கு நல்ல வரவேற்பு கிடைத்தது. தற்போது இந்த சுவர் ஓவியத்துக்கும் பொதுமக்கள் இடையே நல்ல வரவேற்பு கிடைத்துள்ளது. இவ்வாறு அவர் கூறினார்.