எழுத்துத்தேர்வில் சிறப்பாக வெற்றி பெற உதவும் வகையில், திருச்செந்தூர் சிவந்தி அகாடமி சார்பில் வழிகாட்டும் பயிற்சி வகுப்புகள் வருகிற 19-ந்தேதி தொடங்கி, மே மாதம் 14-ந்தேதி வரை மொத்தம் 50 நாட்கள் ஆன்லைன் மூலம் நடத்தப்படும். இந்த பயிற்சி வகுப்பு பல்வேறு பணியில் உள்ளவர்களும், கல்லூரி மற்றும் பல்கலைக்கழகங்களில் பயிலும் மாணவ-மாணவிகளும் பயன்பெறும் வகையில் நாள்தோறும் மாலை 5 மணி முதல் இரவு 8 மணி வரை நடைபெறும். பயிற்சியின்போது 20 மாதிரி தேர்வுகளும் ஆன்லைன் மூலம் நடத்தப்படும்.

இந்த பயிற்சியில் சேருபவர்களுக்கு டி.என்.பி.எஸ்.சி. குரூப்-2, குரூப்-2ஏ தேர்வுகளில் இடம்பெறும் பொதுத்தமிழ், இந்திய வரலாறு, இந்திய அரசியல், தற்போதைய நிகழ்வுகள், தமிழ்நாடு வரலாறு, புவியியல், இந்திய பொருளாதாரம், பொது அறிவியல், கணிதம் மற்றும் திறன் அறிதல் ஆகிய தலைப்புகளில் 9 புத்தகங்கள் இலவசமாக வழங்கப்படும். இந்த புத்தகங்கள் சிவந்தி அகாடமியின் சார்பில் பயிற்சி பெறுபவர்களின் முகவரிக்கு அனுப்பி வைக்கப்படும்.

டி.என்.பி.எஸ்.சி. குரூப்-2, குரூப்-2ஏ தேர்வுகளுக்கான பயிற்சி வகுப்புகள் அனுபவமிக்க வல்லுனர்களால் தமிழ் வழியாக மட்டுமே ஆன்லைனில் நடத்தப்படும். இந்த பயிற்சி வகுப்பில் சேர பயிற்சி கட்டணம் ரூ.6,500. பயிற்சியில் சேருவதற்கு விண்ணப்பிக்க வருகிற 17-ந்தேதி கடைசிநாள் ஆகும்.

இந்த பயிற்சி வகுப்பில் சேர விரும்புபவர்கள் ஒரு வெள்ளைத்தாளில் புகைப்படம் ஒட்டி, பெயர், பின்கோடுடன் முகவரி, தொலைபேசி எண், இ-மெயில், வாட்ஸ்-அப் எண் போன்ற விவரங்களை குறிப்பிட்டு எழுதி, அத்துடன் ரூ.6,500-க்கான வங்கி வரைவோலை (கனரா வங்கி அல்லது ஐ.ஓ.பி. அல்லது பாரத ஸ்டேட் வங்கி அல்லது இந்தியன் வங்கி) சிவந்தி அகாடமி, திருச்செந்தூர் என்ற பெயரில் எடுத்து சிவந்தி அகாடமி, தூத்துக்குடி ரோடு, திருச்செந்தூர்-628216, தூத்துக்குடி மாவட்டம் என்ற முகவரிக்கு அனுப்ப வேண்டும். பயிற்சிக்கான கட்டணம் எக்காரணம் கொண்டும் திருப்பி தரப்பட மாட்டாது.

மேலும் விவரங்களுக்கு 04639-242998 என்ற தொலைபேசி எண்ணிலோ, 9488228404, 7092942644, 9361294426 ஆகிய செல்போன் எண்களிலோ தொடர்பு கொள்ளலாம்.

இந்த தகவலை சிவந்தி அகாடமி ஒருங்கிணைப்பாளர் பி.முத்தையாராஜ் தெரிவித்து உள்ளார்.