இந்த சம்பவம் தொடர்பாக போலீசார் வழக்குப்பதிவு செய்து தொடர்ந்து விசாரணை நடத்தினர். இதனிடையே கொலையில் தொடர்புடைய மேட்டூர் பகுதியை சேர்ந்த வெள்ளையன் என்கிற மாரி கவுண்டர் (37), மேட்டூர் ஜீவா நகரை சேர்ந்த மூர்த்தி (36), நாட்டமங்கலம் பகுதியை சேர்ந்த பிரகாஷ் (30) மற்றும் நிவாஷ் (19) ஆகிய 4 பேரை மடக்கினர். இவர்களில் மூர்த்தி மற்றும் வெள்ளையன் என்கிற மாரி கவுண்டர் ஆகியோர் பிரபல ரவுடிகள் ஆவர்.

இந்த வழக்கில் சம்பந்தப்பட்ட பிரபல ரவுடி மூர்த்தி மற்றும் வெள்ளையன் என்கிற மாரி கவுண்டர் ஆகியோர் போலீசாரின் பிடியில் இருந்து மோட்டார் சைக்கிளில் தப்பிக்க முயன்றனர். அப்போது அவர்கள் 2 பேரும் கீழே விழுந்ததில் காலில் எலும்பு முறிவு ஏற்பட்டது. தொடர்ந்து போலீசார் பிரகாஷ், நிவாஷ் ஆகியோரை கைது செய்தனர்.

காரணம் என்ன?

காலில் முறிவு ஏற்பட்ட வெள்ளையன் மற்றும் மூர்த்தி ஆகிய 2 பேரையும் போலீசார் சிகிச்சைக்காக சேலம் அரசு ஆஸ்பத்திரியில் சேர்த்தனர். அங்கு அவர்களுக்கு சிகிச்சை அளிக்கப்பட்டு வருகிறது.

மேலும் போலீசாரின் விசாரணையில் இறந்து போன பெயிண்டர் ரகுநாதன், வெள்ளையன் குழுவில் இருந்துள்ளார்.

பின்னர் கடந்த சில நாட்களாக அவருக்கு எதிர்ப்பான ஒரு குழுவினருடன் இணைந்து செயல்பட்டு வந்துள்ளார். இதனால் ஆத்திரமடைந்த வெள்ளையன் பெயிண்டர் ரகுநாதனை கொலை செய்தது தெரியவந்தது.

எனினும் போலீசார் அவர்களிடம் விசாரணை நடத்தி வருகிறார்கள்.