கன்னியாகுமரியில் நடைபெற்று வரும் பல்வேறு திட்ட பணிகளை ஆய்வு செய்வதற்காக முதல்-அமைச்சர் மு.க.ஸ்டாலின் வருகை தந்தார். அப்போது முதல்-அமைச்சரை சந்தித்த காங்கிரஸ் நாடாளுமன்ற உறுப்பினர் விஜய் வசந்த், முதிர்ந்த நிலையில் உள்ள ரப்பர் மரங்களை வெட்ட அனுமதி அளிக்க வேண்டும் என கோரிக்கை விடுத்தார்.

இதையடுத்து முதல்-அமைச்சருடனான சந்திப்பு குறித்து செய்தியாளர்களிடம் பேசிய விஜய் வசந்த எம்.பி., வனப்பாதுகாப்பு சட்டம் காரணமாக முதிர்ந்த ரப்பர் மரங்களை வெட்ட அதிகாரிகள் அனுமதி வழங்க மறுப்பதாகவும், இது தொடர்பாக முதல்-அமைச்சரை சந்தித்து நடவடிக்கை எடுக்க வலியுறுத்தியதாகவும் தெரிவித்தார்.