சிதம்பரம் அண்ணாமலை பல்கலைக்கழகத்தில் தொகுப்பூதியம் அடிப்படையில் பணியாற்றி வரும் தொழிலாளர்கள் நேற்று கடலூர் மாவட்ட கலெக்டர் அலுவலகத்தில் மனு அளித்தனர். அந்த மனுவில் அவர்கள் கூறியிருப்பதாவது:-

சிதம்பரம் அண்ணாமலை பல்கலைக்கழகத்தில் கடந்த 12 ஆண்டுகளுக்கு மேலாக 170 பேர் குறைந்த ஊதியத்தை பெற்றுக்கொண்டு நிரந்தர ஊழியர்களுக்கு இணையாக அனைத்து வேலைகளையும் செய்து வருகிறோம். 1996-க்கு பிறகு பணியில் சேர்ந்த அனைத்து ஆசிரியர் அல்லாத ஊழியர்களும் 2 ஆண்டுகள் தொகுப்பூதியம் முடிந்த பிறகு பணி நிரந்தரம் செய்யப்பட்டனர். ஆனால் 12 ஆண்டுகள் முடிந்தும் நாங்கள் பணி நிரந்தரம் செய்யப்படவில்லை.