கடலூர் அ.தி.மு.க. அலுவலகத்தில் போலீஸ் குவிப்பு

அதனைத் தொடர்ந்து, கடலூர் வடக்கு மாவட்ட செயலாளராக எம்.சி. சம்பத்தின் சகோதரர் எம்.சி. தாமோதரன் நியமிக்கப்பட்டார். மேலும் புவனகிரி, திட்டக்குடி, விருத்தாசலம் பகுதிகளுக்கான கூடுதல் பொறுப்புகள் சொரத்தூர் ராஜேந்திரன் எம்.எல்.ஏ.வுக்கு வழங்கப்பட்டன. இந்த நடவடிக்கைகள் அ.தி.மு.க. வட்டாரத்தில் பெரும் பரபரப்பை ஏற்படுத்தியுள்ளன. சமூக வலைதளங்களிலும், பொதுவெளியிலும் பல நிர்வாகிகள் இந்த மாற்றங்களுக்கு எதிர்ப்பு தெரிவித்து கருத்து வெளியிட்டு வருகின்றனர்.

இந்த நிலையில், இன்று காலை கடலூர் பாதிரிக்குப்பத்தில் உள்ள அ.தி.மு.க. அலுவலகத்திற்கு பதவியில் இருந்து நீக்கப்பட்ட முன்னாள் அமைச்சர் எம்.சி. சம்பத் தனது ஆதரவாளர்களுடன் வருவதாக தகவல் வெளியானது. அதேபோல், புதிய மாவட்ட செயலாளர் எம்.சி. தாமோதரன் தரப்பினரும் அங்கு வர உள்ளதாக தகவல் பரவியது.இரு தரப்பினரும் ஒரே நேரத்தில் அலுவலகத்திற்கு வந்தால் மோதல் ஏற்படக்கூடும் என்ற அச்சத்தால், இன்ஸ்பெக்டர் சந்துரு தலைமையில் 25-க்கும் மேற்பட்ட போலீசார் கட்சி அலுவலகம் சுற்றுவட்டாரத்தில் பாதுகாப்பு பணியில் ஈடுபடுத்தப்பட்டனர். மேலும், அப்பகுதியில் யாரும் கூட்டமாக திரள்வது அல்லது தேவையற்ற குழப்பம் ஏற்படுத்தும் வகையில் செயல்படக் கூடாது என்று போலீசார் எச்சரிக்கை விடுத்தனர்.

இதனால் கடலூர் பகுதியில் பதற்றமான சூழ்நிலை நிலவியது. கட்சி அலுவலகத்தில் போலீசார் குவிக்கப்பட்டிருப்பதை அறிந்த அலுவலக ஊழியர் தானாகவே அலுவலகத்தை பூட்டிவிட்டு சென்றதாக கூறப்படுகிறது. இந்த சம்பவம் கடலூரில் பெரும் பரபரப்பை ஏற்படுத்தியுள்ளது.